మనోరథం

నా యీ పవిత్ర భారతదేశంలో...

ఆడదాని శరీరానికో వెల ఉంది
ఓదార్పు తప్ప న్యాయముండదు

పేదవాడి కూలికో మంచిరేటుంది
వాడి కలలకి ఆదరవు కరువు

విద్యార్థి చదువుకి కట్టణముంది
కాని ఆశయసాధనకి వేదికలేదు

ప్రజాస్వామ్యమా ఇది?
కాదు కాదు
రాతిగుండెలు మరమనుషులు
మనిషిరూపాన జంతువులు
విచ్చలవిడిగా తిరుగాడే వనస్థలి!

న్యాయస్థానమా అది?
కాదు కాదు
అన్యాయ వికటాట్టహాస
వికృతతాండవం చూడలేక
న్యాయదేవత కన్నుమూసే రణస్థలి!

(5/12/2015, పరి)

కట్టణం = కట్టవలసిన చెల్లింపు (కట్టణం --> కట్నం, పట్టణం -->పట్నం)