ఆమ్మకి లాలిపాట

తల్లీ నీ మాటలెల్ల తేనెపలుకులె

పండువెన్నెల తీరు నీదు కరుణలె

మెండైన ప్రేమతోడ పెంచినావు మమ్ము నీవు
నిండుమనము తోడ దీవించవే మా తల్లి

కన్నులార మమ్ము గని మురిసితివి గాదె
వెన్నలాంటి మనసు నీది వన్నెలచిన్నెలదానా

వెన్నుతట్టినది చాలు జో కొట్టెద సేదదీరు
పుట్టినా రోజున ఇంటిపనేల చెప్పు

పాలమీగడోలే నీదు ప్రేమ చాలు మాకింక
కండ్లుకాచి అలసినావు చల్లంగ నిదురోవె

బజ్జోవే నా తల్లి బంగారుకొండ
నిదురోవె ఓ అమ్మ యోచన లేకుండ

లాలిజో లాలిజో బజ్జో బజ్జో
లాలిజో లాలిజో నిదురో నిదురో

- 1/1/2015