ఎదురుచూపు

అదును చూసి
పదును కత్తితో
ఎదను చీల్చావు
ఆ లోతుల్లో...
బీడువారిన నేలపై
చిరువిత్తును నాటగ
నే మనసారా వలచాను....

మోహావేశం కారుమబ్బులై కమ్మగా
నీ తలపుల జడివానలో తడిసి,
ఏనాటికైనా దరిచేరుతావన్న చిన్న ఆశతో
నీ జాడకై వెదికి అలిసి సొలిసా...
నీడ కూడా అందుకోలేనంత దూరంలో నిలిచా
మొదట నీ తోడు కొండంత భరోసా అని తలచా...

కాని ....
ఇప్పుడు నీవెన్నటికి రావన్న నిజం రగిలి
ఆ కాలకూట విషాన్ని మింగి హాతాశుడనై మిగిలా...

(30/01/2019, హైదరాబాదు)