నేడు డిశెంబరు 25 కదా అని
శీతాకాలపు నడిబొడ్డులో నా చుట్టూరా చూసుకుంటే...
వజ్రాలు పొదిగిన మంచుదుప్పటిలా ధగ ధగ మెరిసిపోతూ
నేలంతా కప్పేసిన దట్టమైన మంచుతిన్నెల ఘనరాశులు
పట్టుమని నాలుగు గంటలు కూడ లేని పగళ్ళు
వెన్నెల కాంతిని తలదన్నే అరోరా బోరియాలిస్
ధృవకాంతపు హొయలతో మిరిమిట్లుగొలిపే దీర్ఘనిశలు
యాంత్రిక జీవనంలో గుడ్డిగ బ్రతికే మనిషి
ఒక్కసరి కళ్ళుతెరిచి ప్రకృతిని తేరిపారచూడగలిగితే
అబ్బా! ఎంత బావుణ్ణు కదా !!!
మొబైల్లో టెంపరేచర్ చూడబోతే -16డీ అని ఉంది కానీ
నా మనసుకి మాత్రం ఏదో తెలియని వెచ్చదనం
అర్థంకాని అమ్మజోలపాట
బిడ్డకు స్వాంతన ఇచ్చినట్టు
ప్రకృతిని నిలువెల్లా ఆవరించిన నిశ్శబ్దం
నా మనసుకు ఏదో తెలియని ప్రశాంతత
ఇకపై "వింటర్ ఈజ్ కమింగ్
" అనేమాట
" అనేమాట
ఒక భయానక హెచ్చరిక కానేకాదు
ప్రకృతిని ఆశ్వాదించమని చెప్పే ఒక ఆహ్వానం
(ఫిన్‌ల్యాండ్, 25/12/2022)
