మజిలి

కదిలే కాలంబండి పై మజిలి ఈ జీవితం
వట్టిచేతులతో బండెక్కుతాం 
దానిలో ఎన్నో అనుభవాలు, జ్ఞాపకాలు
అందరికీ అనువైనా చొటు దొరకదు
బండిలో అదే గమ్మత్తైన విషయం
పయనం సాగినంతసేపు ఎందరో తారసపడతారు
ఏవేవో జ్ఞాపకాలు మిగిల్చిపోతారు
వాటిలో కొన్ని మనకి భారమైతే…
మరికొన్ని మనసుని తేలిక పరుస్తాయి
ఒకటో రెండో బాగా మాత్రం పెనవేసుకుని బంధాలవుతాయి
కిటికిలోంచి బయట తొంగిచూసి చేయిజాపితే
అందనంత దూరంలో రంగుల ప్రపంచం
బండైతే ఆగదు కాని దిగేవాళ్ళు దిగుతునే ఉంటారు
ఒకసారి దిగితే మళ్ళీ ఎక్కలేని మజలి అది
ఎప్పుడు దిగిపోదామా అని కొందరు ఎదురుచూస్తే…
మళ్ళి ఎక్కితే బగుండ్ను అని ఇంకొందరు ఆశపడతారు
నడిపే విధాతకైనా తెలుసా ఈ మజలి ఎందుకో?

(23/10/2018, హైదరాబాదు)