చలిపొద్దు

నిశ్శబ్ద ప్రకృతి ఆలపిస్తున్న నైంత్ సింఫోని వింటూ
చలిపొద్దులో ఆరుబయట సాగుతోంది నా నడక
బద్ధకంతో సూర్యుడు మబ్బులదుప్పటిలో బజ్జుంటే
లేలెమ్మని అల్లారం కొడుతూ అక్కడక్కడా వెలుతురు
హేమంతవెన్నెల కరువై చెట్లు డీలాపడిపోగా
వాటిని ఓదారుస్తూ పల్చగా పక్షుల కిలకిలలు
మోడువారిన చెట్ల కళాపోషణకి అద్దంపడుతూ
పచ్చికపై అద్దిన రంగురాళ్ళులా పడివున్న ఆకులు
మంచుతెరల్లో చిక్కుకున్న తాజదనాన్ని ఆశ్వాదిస్తూ
ఎన్ని మలుపులు తిరిగానో తెలియదు కాని
మరపురాని అనుభూతి పంచింది నేటి ప్రొద్దు

(12-12-2016, రెన్న్)