సమయం 8.30 కాని చుట్టూరా చీకటి కమ్మేసి తిష్టవేసింది
జోరుగా మంచువాన తుంపరజల్లుల తప్పెటలు మ్రోగిస్తుంటే
మోడువారిన చెట్లకి ప్రకృతి మంచుదూదెలతో సొబగులద్దగా
ఎక్కడికక్కడ కుప్పలుతెప్పలుగా మంచుపేరికల వెండికొండలు
ఇంక నింగిలోని నక్షత్రాల జాడైన కానరాకుండా పోయాయి
కరడుగట్టి స్తంబించిపోయిన నదీ ప్రవాహాన్ని చూస్తే
కాలగమనం ఆగిపొయిందేమో అని మాటిమాటికి సందేహం
కాలాన్ని రేయింబగళ్ళుగా పంచుకుని ఏలే రవిచంద్రులలో
శీతాకాలమప్పుడు మాత్రం తమ్ముడిదే పైచేయి అన్నట్టుంది
(ఔలు 17/01/2024 at -28 °C)
No comments:
Post a Comment