మాతృయోచన

ఆల్లదిగో చందమామని చూపెడుతు గోరుముద్దలు కడుపార తినిపించిన తీపిజ్ఞాపకం

మిక్కిలిబాధతో కన్నీరుమున్నీరై ఏడ్చినప్పుడు అక్కునజేరి లాలించిన నీ ఊరడింపు
ఎన్నో జీవితపాఠాలను నీవెంతో కడురమ్యముగా నేర్పించి నన్ను చక్కదిద్దిన నీ తీరు
తల్లివే కాదు నీవు నా పాలిట వరాలకల్పవల్లివి ఈ దీనునిపై కురిసిన అమృతజల్లువి

విజయమంటే విలాసముగాదని విశ్రాంతినెరుగని పోరాటానికది గుర్తింపు అని నీ ఉపదేశం
ఓటమి వలన నవ్వులపాలైతె భావివిజయానికవి ముందేగొట్టిన చప్పటలనుకోమన్నావు
బంగారుభవితకై ప్రస్తుతమనే ఇనుపకుంపటిపై శ్రమసాధనతో పరితపించాలని బోధించావు
అమ్మవే కాదు నీవు ముగ్ధతనొందిన పూలగొమ్మవి ముచ్చటగ మెరిసెడి కుందనబొమ్మవి

- 11/12/2014