వృందావన విశేషాలు

వృందావనంలోని ప్రతివస్తువు శ్రీ కృష్ణునితో

వాటికున్న అనుబంధాన్ని వ్యక్తం చేస్తున్నాయి

వసంతకోకిల తన కంఠమాధుర్యముచే శ్రీ కృష్ణమురళీ

గానమును అనుకరింపజేసి విఫలమౌతున్నది

రాధారమణులతో శ్రీ కృష్ణుని రాసలీలలను

తలంపజేస్తున్నవి అక్కడి నెమళ్ళ నృత్యములు

ఆ వనమున గలగల పారుతున్న సెలయేళ్ళు తమ ఆనందాతిశయములను వ్యక్తం చేస్తున్నాయి

వాటినుండి వెలువడే శబ్దములు శ్రి కృష్ణమురళీ గానమునకు ప్రతిధ్వనివలే గోచరిస్తున్నాయి

అక్కడి కొండలు తమయొక్కవర్ణము నీలమేఘశ్యాముని వర్ణమని తలంచి పులకిస్తున్నాయి

లేళ్ళు తమచెవులను రిక్కరించి శ్రీ కృష్ణగానామృతమును గ్రోలుతున్నాయి

అతని పాదస్పర్శకు నోచుకోని కుసుమాలు సైతం తమ విలాపమును వ్యక్తపరుస్తున్నాయి

(19 Mar 2004)