మా తెలుగు పల్లెలోని మాగాణి భూములు పాడిపంటలతో మనయింట సిరిసంపదలు వికసింపజేయగా…
జనపదాలే జానపదాలుగా మారి తెలుగు శ్రోతల హృదులను పులకింపజేయగా…
గిరుల ఝరులనధిగమించిన తెలుగుగంగ మనయింట సిరులు పొంగించగా…
పసిడిపంటలతో పిల్లపాపలతో మా పల్లెభూములు తులతూగుతుండగా…
తెలుగుతల్లి ముద్దుబిడ్డ రామరాజు మన మదిలో దేశభక్తి నింపగా…
అమరజీవి శ్రీ రాములు తన త్యాగనిరతిని మాకు అందించగా…
వీతన్నిటిన్ గాంచి పరవశించదా ఆంధ్రావని…
తెలుగువెలుగుల జిలుగులన్ గాంచి మనసార దివించదా మనతల్లి భారతావని…
పెద్దల ఆశిస్సులతో పిల్లల కేరింతల పసిడికాంతులతో
మా యువత ప్రగతిపథమ్మున కదం తొక్కగా...
ఈ యుగాది సందర్భమున ప్రతిజ్ఞ చేయుచుంటిమి
విజయమును వరింప దీవించు మాయమ్మ మా పసిడి బొమ్మ...
(2005 ఉగది అప్పుడు ప్రసంగించిన కవిత)
No comments:
Post a Comment